話說早一排忙到飛起，根本無時間見下朋友。呢排就趁年尾，就打算約下閨蜜一齊staycation。點知兩個月無見，一見面佢對住我嘅第一句就係：
哇，你搞咩啊呢排，頭髮好似薄咗咁多嘅？！
WHAT?????係咩係咩？！
唔講唔覺，一講我搵返兩個月前啲相一對比，髮量真係少咗…….
但係我生活習慣都無咩大改變，洗頭水又無轉過，點解會咁呢？
一google先知，原來其實每20個女士就會有一個受唔同程度嘅脫髮問題困擾。但又唔會好似男士咁有M字額，地中海，只會頭髮變得越黎越稀薄，平時自己照鏡日日對住好難察覺。
而造成脫髮嘅原因有好多種，主要就分為以下幾樣：
- 雄激素引致脫髮
其實應該好多人都聽過，雄激素分泌過多就會影響到頭皮毛囊，令頭皮毛囊縮小，頭髮就會變幼細稀疏，嚴重甚至導致毛囊萎縮。而雄激素分泌過盛嘅原因除咗係因遺傳之外，壓力過大都會引致內分泌失衡，雄激素分泌增加而脫髮。我回想起過去幾個月生活、工作上發生嘅大大小小事，呢排壓力都比較大，可能就係因為咁搞到我啲頭髮薄咗…….真係喊出嚟！
- 休止期脫髮
唔講唔知，頭皮毛囊都有訓教嘅時候。如果精神壓力過大，大病消耗身體元氣、營養不良，就會導致頭皮毛囊提早進入休止期，形成廣泛性脫髮！同埋減肥減得太快，都會令頭髮休止期提前到（諗返起公司有個女同事呢排減肥減到好快，但好似頭髮都少咗咁，唔通都係因為咁？！）
- 產後脫髮
懷孕期導致荷爾蒙轉變有機會令頭髮於懷孕期間增加，生完BB之後，荷爾蒙分泌回復正常，多咗嘅頭髮就會脫落，我以前生完BB個排都有試過，好驚會繼續甩落去，不過過多幾個月就回復正常，
其他原因仲有漂染電髮傷咗頭皮、免疫系統影響毛囊導致斑禿。
搞清原因之後，我梗係即刻去急救我嘅頭髮啦！呢度想講一句，如果脫髮問題已經開始明顯同埋持續無改善，就真係唔係換支防脫髮洗頭水就可以搞掂嘅事！
做咗一輪research，我最後決定去OASIS hair spa試下咗頭皮護理treatment.
上到去就有顧問幫我做咗個頭皮檢查，可以見到近排頭油都多咗，塞住啲毛囊（雄激素分泌過多都會引致頭油分泌多咗！），所以針對返我個情況，幫我安排做個深層去垢生髮活髮療程。做treatment嘅時候feel到，頭皮被按摩住放鬆緊，連個人嘅心情都relax曬（終於明白點解屋企隻貓點解鐘意俾人摸頭），做完treatment後好明顯感覺到頭皮清爽咗，輕咗！正！期待做多幾次個效果，希望啲頭髮可以快啲回復到以前咁多啦！
