前排我追緊一套有宋仲基出演嘅韓劇，叫做《財閥家的小兒子》真係好好睇呀！好耐都冇睇到OPPA新劇啦~ 可惜我睇得太投入連續追咗幾集，攪到零晨先瞓，個黑眼圈同眼袋又出晒嚟，真係攪唔掂呀！咁樣日積月累之下，我眼紋同眼袋又嚴重咗，我第二日立即敷返塊凍青瓜消腫一下。除咗敷青瓜之外，我仲試過其他去眼袋減輕眼部浮腫嘅方法！例如膠原電眼槍，今日就同大家分享下~
點解有眼袋?
首先講吓點解會有眼袋出現啦~ 主要係因為眼周肌膚老化、壓力大、睡眠不足等情況出現，導致下眼瞼皮膚下垂、臃腫，形成一個袋狀。有眼袋嘅話，都會睇上去覺得個人憔悴咗又沒精神。喺中醫角度就認為係血液循環唔好、脾胃虛、腎虛，要食返中藥或者補脾腎以消除眼袋。不過眼袋一旦形成咗就好難消失，唔想令眼袋再嚴重落去就要試下以下三種方法啦~
三個改善眼袋浮腫的好方法
去眼袋方法1：鹽水冷敷消眼腫
呢個方法係最易同最常可以去眼袋，你可以用化妝棉沾生理食鹽水，敷在眼皮上，比起冰塊冰鎮效果更好，比較溫同埋唔會凍傷皮膚～除咗用鹽水冷敷，可以再搭配埋飲紅豆水冊同薏仁水嚟消腫都有少少幫助。呢個係急救方法之一，但只係短暫舒緩眼袋同黑眼圈問題。最重要都係要比隻眼休息下，唔好過度使用雙眼。
去眼袋方法2：淋巴提拉按摩眼部
平時我哋好少用到眼部肌肉，所以容易導致眼周血液循環不順暢，形成眼袋、眼腫同黑眼圈。第二個方法我都會經常做就係按摩眼周圍嘅淋巴，以改善眼袋浮腫。建議大家配合埋眼霜早晚按摩眼部淋巴一次。
步驟如下：
1.使用有補濕成分但含油量唔高嘅眼霜，以免眼霜太滋潤會生油脂粒！
2.用食指指尖沾取少少眼霜，從內眼角開始慢慢向外用輕點方式按壓至眼尾上方
3.用手指腹從內眼角開始輕壓至眼尾輕壓10-15秒
*長期用手機同電子產品嘅人士請睇呢邊！
去眼袋方法3：膠原眼袋槍激活膠原蛋白
之前好多方法都係治標不治本，只可以短暫舒緩眼袋同黑眼圈問題。要解決眼肌深層問題，就要令眼部肌膚增生多啲膠原蛋白。上個月我朋友就拉咗我一齊去做膠原眼袋槍！又真係幾work，眼紋同黑眼圈減淡咗、眼袋都細咗，仲覺得個人望落精神咗！膠原眼袋槍嘅原理就係利用高能量深滲15mm肌底，刺激膠原再生，擊退眼紋、眼袋同撫平皺紋。做嘅時候都冇痛嘅感覺，有少少暖暖地感覺，feel到幫你收緊眼皮緊緻返。而美容師話一般情況下做6至12次左右，想效果好啲就要平時多敷眼膜、記得搽眼霜同做下眼部按摩咁就可以保養得好啲啦~推薦大家去試下，一定令你有驚喜呀! http://bit.ly/3F1nlfB
