早幾日同大家介紹完古法紮肚既原理之後，好多媽媽都pm問左我唔少關於古法紮肚既問題，又叫我分享下古法紮肚既效果，不過大家唔好搞錯，生個個唔係我，係我既好姊妹haha，不過為左唔好答錯大家既問題，我已經咨詢左幾位古法紮肚專家既意見，所以各位媽媽可以放心睇落去。
以下我就sum up左5題最多媽媽問既問題：
生完BB可以即刻做古法紮肚嗎？
如果媽媽係順產既話，建議產後等傷口完全康復先開始做古法紮肚，大概1個月後等惡露完結就可以做古法紮肚。至於開刀生BB既媽媽，就需要等大概6-12個月，當傷口復原同惡露已經完結既時候，因為如果傷口未完全癒合既情況下做古法紮肚好容易會整開左個傷口，手尾就好長架啦，所以一定要身體係安全既情況下先有最佳效果。
古法紮肚要做幾多次先有效果？
一般建議10至15日，不過要視乎番媽媽身形、效果同進度。如果做左古法紮肚10至15日後都未去到理想體態，都可以繼續進行古法紮肚療程架。
做古法紮肚既時候有咩要注意？
每次做古法紮肚建議紮6-8個鐘係最理想，唔可以紮過夜，而除左紮帶後半小時先可以沖涼。係做古法紮肚前亦都要確保係係冇懷孕既情況下進行，而過往3個月曾經流產既人都唔適合做古法紮肚架。
生完BB好耐仲適唔適合做古法紮肚？
生完BB 1年左右仍然係古法紮肚黃金期，因為產後9-12月後，身體內既鬆弛素仍然未消失，呢個時候透過束腹帶加壓，就可以將產後柔軟既身體組織收緊，依然有瘦身效果架。
古法紮肚只係適合產後媽媽？
古法紮肚絕對唔係產後媽媽既專利，因為古法紮肚可以針對唔同身型問題既需要去進行局部式塑身，包括：水腫、肌肉鬆弛、脂肪積聚、產後肥腫等等，做局部塑身就可以幫助脂肪分解同收緊鬆弛組織，同時排出體內多餘毒素同水分，就可以令靚靚身形番晒黎啦。
講左咁多，係時候同大家分享下朋友做古法紮肚既效果啦！
出賣朋友系列～
以上效果係朋友做左10次古法紮肚療程既效果，好明顯已經見到佢個肚已經收番入去，治療師話如果佢完晒成個15次既古法紮肚療程之後，身形係可以瘦過以前架！另外可能有媽媽會擔心做古法紮肚會好辛古，但朋友就話一開始既時候的確會feel到肚同肋骨位置都會有d繃緊，但佢既治療師好細心，因應佢既情況去調較左紮帶既鬆緊同力度，所以成過古法紮肚既療程其間都好舒服，亦都唔會影響到日常生活。
In case大家問起，朋友係係OASIS mom度做古法紮肚療程既，佢地最出名既係7-6-5皇牌古法紮肚療程，除左可以改善腹直肌分離同幫內臟復位之外，仲可以收窄胸骨，改善胸骨外擴問題。7-6-5皇牌古法紮肚療程仲加入左獲獎既法國排毒纖形科技，可以幫助去脂肪同毒素，收緊肚部肥肉，仲可以舒緩孕後腰痛！
真係見到朋友古法紮肚既效果咁好先推介比大家，OASIS mom價錢合理，而且效果又好，而家仲有試做優惠，有興趣既媽媽快D登記體驗啦~
#古法紮肚 #紮肚 #腹直肌分離 #盆骨擴張 #子宮復位 #產後紮肚 #產後修身 #盤骨復位 #OASISmom
留言列表
